အငြိမ့်

မိုးခေါင်လို့ တီးတဲ့ဗုံသံ

မြေချစ်သူကဗျာများ

သုံးယောက်ကောင်းကင် ကဗျာစာအုပ်(မောင်သစ်မင်း)

စစ်ပွဲများ(၆)

လှည်းအစီး ၅၀၀ ကိုတစ်ကောင်တည်းနဲ့ဆွဲနိုင်တဲ့ ခွန်အား
ငါတို့မှာရှိတယ်။
ဖရုဿဝါစာတွေ မပြောပါနဲ့။
တိုင်းပြည်တစ်ပြည်ကို တိုင်းပြည်တစ်ပြည်ပေါ်ထပ်တင်နှိင်တဲ့
တစ်ယောက်ကို စစ်သည် ၁သိန်းနဲ့ညီမျှတဲ့အင်အား ငါတို့မှာရှိတယ်
သေနတ်တွေနဲ့ ချိန်မထားပါနဲ့။

ငါတို့မှာ
သမိုင်းရှိတယ်
သာသနာရှိတယ်
ဘယ်တော့မှ သုံးမကုန် ဖြုန်းမကုန်တဲ့ သယံဇာတတွေနဲ့
ယဉ်ကျေးမှုအမွေအနှစ်များစွာရှိတယ်။ ပြီးတော့
အချိန်မရွေး ထွန်းလွယ် ဖွားလွယ်တဲ့ ထွန်းကားတဲ့လူ့အရင်းအမြစ်တွေရှိတယ်။

ငါတို့မှာ ဆယ်သက် ဆပ်မကုန်တဲ့ဒဏ်ရာဒဏ်ချက်တွေရှိရင်တောင်
ငါတို့ရဲ့သွေးဆာမှုအစာအိမ်က ကျေလွယ် ပျောက်လွယ် ပျက်လွယ်။


အသံတွေ စစ်ချကြည့်ပါလား
စစ်မလိုဘဲ အချစ်လိုနေတဲ့ ရွှေတုံးရွှေခဲတွေ၊
ငရဲနဲ့ဖောင်းကားပြီး
လေခိုနေတဲ့ပေါင်မုန့်လို လူသေဆန်နေတဲ့ငါတို့ကိုတွေ့ရမယ်။

ဘယ်နေရာနင်းနင်း
သနားစရာ သေဆုံးသွားလေတဲ့ ဘိုးဘွားတွေရဲ့ ညည်းညူးသံတွေနဲ့
သနားစရာ ဆက်လက်ရှင်သန်နေရတဲ့ သား မြေး မြစ်တွေရဲ့ငိုသံတွေကို ကြားရမယ်။


ဂျပန်နဲ့ရတယ်
အင်္ဂလိပ်နဲ့ရတယ်
ဇာတ်တူသား မစားချင်တဲ့ ငါတို့ရဲ့ မီးရိုးဖလာစိတ်ကိုမှ
(ခင်ဗျားတို့)
အပျိုရည်ပျက်အောင် ၀ိုင်းဖျက်ခဲ့လေခြင်း ။      ။

                                               ခရမ်းပြာထက်လူ

ချေဂွေဗားရား

လူတိုင်းသေရမယ်ဆိုတာသိပြီးသားမို့ ဘာဆန်းလို့တုန်း
ဘယ်လိုသေရမလဲဆိုတာသာ ဆန်းရတယ်။

မင်းတို့ငါ့ကိုသတ်ပစ်မယ်ဆိုတာ
တော်လှန်ရေးမစခင်ကတည်းက ငါသိခဲ့တာပဲ။
 
လူဆိုတာ ကျည်ဆံနဲ့မသေလည်း
နောက်တစ်နည်းနဲ့သေချာပေါက် သေရမှာ သေချာ။

ဥပမာ
ပလက်ဖောင်းပေါ်မှာ လမ်းလျှောက်နေတုန်း
ခေါင်းပေါ်ပန်းအိုးတစ်အိုး ပြူတ်ကျလာပြီး သွေးအိုင်ထဲ နှင်းဆီတွေ ပွင့်ထွက်သွားသလိုပေါ့။

ဥပမာ
ပင်လယ်ရဲ့ ညနေဆည်းဆာကိုထိုင်မျှားနေရင်း
ဧရာမလှိုင်းလုံးကြီးရဲ့ ခုန်အုပ်စားသောက်ခြင်းကိုခံလိုက်ရတဲ့ လူအုပ်ကြီးလိုပေါ့။

ဥပမာ
ဒဏ်ခတ်ခံထားရတဲ့ဒဏ်ရာတွေ ဒဏ်ခံကြိုးတစ်ချောင်းဆီကပြတ်ထွက်
ညဘက် ဒေတာတစ်ခုလုံး နံရံတစ်ခုထဲပြေးဝင် ပြဲထွက်သွားသလိုပေါ့။

ရပါတယ်။
မရတာက
ခင်းဗျားတို့ဘက်ကအော်သံတွေက
ကျုပ်လက်ထဲကဆေးထိုးအပ်ကို လွတ်ကျစေခဲ့တာပဲ။
 
ဒါကြောင့်
ကြံခင်းတွေထဲမှာ ဆေးပြင်းလိပ်ကြီးခဲပြီး
အရုဏ်ဦးကိုဆွဲဖွင့်နေသူ ကိုယ့်လူကြီးဆီကျုပ်သွားခဲ့ရတာပေါ့။

လူဆိုတာ လူကိုကာကွယ်ရမယ်။
 
ဒီ့အတွက် ကျုပ်မှာ နိုင်ငံမရှိ။
ဒီ့အတွက် ကျုပ်မှာသက်သေခံအထောက်အထား အိမ်ထောင်စုဇယားမရှိ။
ဒီ့အတွက် ကျုပ်မှာ ကျုပ်မရှိ။

 
ဒီ့နောက်မှာ ကျုပ်ဦးထုပ် ခင်ဗျားတို့ခေါင်းပေါ်ရောက်နေမှာကို ကျုပ်မသိ။
ဒီ့နောက်မှာ ကျုပ်အလောင်း ခင်ဗျားတို့ပြတိုက်ထဲရောက်သွားမှာကို ကျုပ်မသိ။
ဒီ့နောက်မှာ ဒီနာမည် ဟာ တော်လှန်ရေးရဲ့သင်္ကေတတစ်ခုဖြစ်သွားမှာကို ကျုပ်မသိ။
 
လူငယ်တို့
အရေပြားပေါ် ကျုပ်အရုပ်ကို လှီးထည့်ထားရုံနဲ့ တော်လှန်ရေးကအဆုံးမသတ်နိုင်ဘူး။

မတရားမှုဟာ
တစ်ချက်ခြင်းသွားနေတဲ့ နာရီတစ်လုံးထဲက စက္ကန့်တံတစ်ချောင်းလိုပဲ
အကြီးမားဆုံးခရီးသွားတစ်ဦးအဖြစ် ကမ္ဘာထဲ ဆက် သွာနေလိမ့်ဦးမယ်။
သတိမရှိရင် သေမယ်။
သတိရှိရင် ရှင်မယ်။ သတိရှိကြ။

ကျုပ်ဇနီး အလိုင်ဒါ ကိုလည်းပြောလိုက်
ကလေးတွေကို ပညာတတ်အောင်သင်
သူလည်း နောက်အိမ်ထောင်ပြုလိုက်လို့။

ကဲ တစ်ချက်တည်းနဲ့ကြွင်းဝင်အောင် စိမ်တတ်သူကြီးတို့
တစ်ချက်တည်းနဲ့ ငါ့ကိုရအောင်ယူလိုက်တော့။
အဲ့ဒီလို ကျုပ်သူတို့ကို အော်ပြောလိုက်တဲ့ အသံဟာ
ခင်ဗျားတို့ရှေ့မှာ ဒီနေ့အထိ ပြန့်ကျဲ နေဆဲလေ၊ မဟုတ်ဘူးလား သေနတ်သံတွေအဖြစ်နဲ့။         ။
                                                                                            
                                                                                         ခရမ်းပြာထက်လူ
                                                                                                                                                                                                                                                                                                                                                                                                                                                                                                                                                                                                                                                                                     

                                                                                                                                                

လူကြိုက်နည်းတဲ့ကောင်

To Download

စစ်ပွဲများ(၅)

တစ်ယောက်နဲ့တစ်ယောက်မသိကြပဲ လှံစွပ်နဲ့ပြေးထိုး

ပြီးမှတစ်ယောက်အိပ်ကပ်ထဲက မိသားစုဓါတ်ပုံ တစ်ယောက်

ထုတ်ကြည့်ပြီးဝမ်းနည်းကြရတယ်။

ပစ်ကွင်းထဲမှာ

ဒါ သူ့သားလေးနမ်းနေကြ နဖူးလေးများလား။

ပစ်ကွင်းထဲမှာ

ဒါ သူ့သမီးလေးနမ်းနေကြ နဖူးလေးများလား။

မစဉ်းစားနဲ့

ငါတို့က လက်ဖြောင့်သေနတ်သမားတွေ။

မနေ့က ပန်းအိုးကျကွဲတယ်။

ညက အိပ်မက်ဆိုးတွေမက်တယ်။

ဘုရားစင်ရှေ့အလီလီထိုင်ကာ အိမ်ရှင်မ ငါးသက်စေ့ သွားသွားလွှတ်နေခဲ့ရပေါ့။ ။

                                                                                              ခရမ်းပြာထက်လူ

                                                                                                 ၂   ၀   ၁   ၂

စစ်ပွဲများ(၄)

အာဖရိကရဲ့မြက်ခြောက်ပင်တွေပေါ်မှာ

အရေပေါ်အရိုးတင်ထားတဲ့ ကလေးငယ်တစ်ယောက်ထိုင်နေတယ်။

သူ့နောက်ကျောမှာ လင်းတငှက်တစ်ကောင်

သူ့ရဲ့ညစာကို စိတ်ရှည်လက်ရှည်စောင့်လို့။

တ၀ုန်းဝုန်းပေါက်ကွဲသံတွေထဲကပြေးထွက်လာတဲ့လျှာတစ်ချောင်းက

သူ့ခန္ဓာကိုယ်ပေါ်က အ၀တ်စတွေကိုစိတ်ကြိုက်စားသောက်လို့။

မီးတောက်များတန်းလန်းနဲ့ပြေးထွက်လာတဲ့

အဲ့ဒီ ဗီယက်နမ်ကလေးမလေးရဲ့ကိုယ်လုံးတီးဓါတ်ပုံ

နယ်ခြားမျဉ်းတွေကိုခုန်ကျော်လို့ ကမ္ဘာပေါ်ပုံလဲကျသွားတယ်။

ဘုရားသခင်

မိုးရိပ်မိုးငွေ့တွေသန်းလာတဲ့အခါ ဘာလို့မှန်းမသိ

ကျွန်တော်ငိုချင်လာမိတယ်။

စစ်ရိပ်စစ်ငွေ့တွေသန်းလာတဲ့အခါမှာတော့

ကျွန်တော်ဟာ

အဖိုးအဖေနဲ့အမေတို့ရှိရာသင်္ချိုင်းမြေဆီတဟုန်တိုးပြေး

သူတို့အုတ်ဂူတွေကို

ခွေးတစ်ကောင်အမဲရိုးရှာသလို အသည်းအသန်ယက်ကန်ကာဖွင့်

တစ်ကိုယ်လုံးတစ်ဘ၀လုံးပစ်ဝင်

စစ်ကိုအပြီးဝင်ရှောင်ပုန်းနေလိုက်ရတာ

ဒီနေ့အထိ ကျွန်တော့်ကိုယ်ကျွန်တော် ပြန်ထုတ်လို့မရတော့ဘူး။ ။

                                                                                          ခရမ်းပြာထက်လူ

                                                                                          ၂    ၀    ၁    ၂

စစ်ပွဲများ(၃)

စစ်ဘိနပ်တွေက ကျွန်တော့်ခါးရိုးပေါ်မှာ

စစ်ချီတေးတွေသီလို့ လျှောက်နေကြတယ်။

အများသူငါ ဆာနေတဲ့လမ်းမတွေပေါ်မှာတော့

သံချပ်ကာတင့်ကားတွေ ဥဒဟို ဖြတ်မောင်းလို့။

နှင်းဆီနံ့ စံပယ်နံ့ ကံ့ကော်ပန်းနံ့တွေအစား

ပတ်ဝန်းကျင်တစ်ခုလုံး ယမ်းခိုးယမ်းငွေ့တွေ ရမ်းကားနေ။

မော့ကြည့်လိုက်တော့

ကောင်းကင်ပြင်ကြီးထဲမှာ

ကားစင်တင်ခံရမယ့် လူ့သမိုင်းကြီးတစ်ခုဟာ စီးမျောလို့။     ။

                                                                      ခရမ်းပြာထက်လူ

                                                                       ၂   ၀   ၁   ၂

စစ်ပွဲများ(၂)

အဲ့ဒီ ဂစ်တာလေး မ၀ယ်ပေးရင်လည်းနေတော့
မုန့်ဖိုးမရှိလို့မပေးနိုင်ရင်လည်းရပါပြီ၊ အမေသာပြန်လာခဲ့ပါတော့။

ညီလေး ရပါတယ်ကွ
အစ်ကို့ဗလာစာအုပ်တွေ မင်းကြိုက်သလောက်ဖြ၊ဲ လာလေကွာ လာပါ။

အဖေ
ကျွန်တော် နောက် ဘယ်တော့မှကျောင်းမပြေးတော့ဘူး ဟုတ်လား။
နွေရာသီ ကျောင်းပိတ်ရက်တွေရောက်ရင်
အဖေ့လယ်နဲ့ကိုင်းတွေကိုဝင်ကူပေးဦးမယ်။
အဖေလည်းပြန်လာပါ။

ကျွန်တော်တစ်ယောက်တည်း
ကန်စင်းရိုးတွေအတိုင်း အဲ့ဒီလိုအော်လိုက်ရင်
ကျွန်တော့်အသံ သတင်းစာတွေထဲရောက်သွားနိုင်မလား။


ဂျပန်ပြည်က ဆူနာမီလှိုင်းကြီးအော်တက်လာသလို
ကျောင်းစာအုပ်မျက်နှာဖုံးပေါ်ကပါလာတဲ့
အက်ဝပ်ခ်ျမွန့် ပန်းချီကားထဲကအော်သံအတိုင်း၊
ကျွန်တော်
နေ့တိုင်း သူတို့ကို ပြန်လည် အော် ခေါ်ယူနေခဲ့ မိတယ်။ ။                                                                           

                                                                       

                                                                                                                          ခရမ်းပြာထက်လူ

                                                                              ၂   ၀   ၁   ၂

စစ်ပွဲများ

အဖေ ရှေ့တန်းတိုက်ပွဲကပြန်လာပြီဆို
ကျွန်တော်တို့တစ်အိမ်လုံး မီးကုန်ယမ်းကုန်ပျော်ကြတယ်။

ဘာဘီကျူးမီးပုံကြီးအောက်မှာ
အဖေ့ပခုံးပေါ်ကကြယ်တွေ တလက်လက်တောက်ပ။

အမေက
အဖေ့ဦးထုပ်ကိုအသာအယာလှမ်းချွတ်ကာ
ခြေဖျားလေးအသာထောက် အဖေရဲ့နဖူးက်ိုညင်ညင်သာသာလေးမော့နမ်းလို့။
 
ကျွန်တော်တို့က
အဖေ့ပေါင်ပေါ်ကိုအလုအယက်တက်ထိုင်ကာ
အဖေ့ရင်ဘတ်ထဲတိုးဝင် အဖေ့အောင်ပွဲတွေကိုအငမ်းမရတူးစွခဲ့ကြတယ်။
 
ဘေးအိမ်ကရေဒီယိုထဲမှာတော့
ခြေပြတ်လက်ပြတ်တွေ
မိဘမဲ့သွားတဲ့ကလေးတွေ
ပျောက်ဆုံးနေတဲ့အလောင်းတွေနဲ့
အပျက်အစီးတွေအကြောင်း တစ်ညလုံးတင်ဆက်လို့။      ။

                                                               
                                                        ခရမ်းပြာထက်လူ

                                                        ၂    ၀    ၁     ၂

အရက်သမား(၁၀)

မသေမရှင်ဖြစ်နေတဲ့
ဓာတ်မီးတိုင်ရဲ့ အလင်းကိုနင်းလို့
နံရိုး(၆)ချောင်းဆီက
သီချင်းကိုခွာယူ
မီးတောက်တစ်ခုလို ယိမ်းထိုး
ငါအိမ်အပြန်
အဝေးက
လရဲ့ မချိမဆန့်အော်သံကို ကြားရ
အရေးပေါ်
ဂက်စ်မီးခြစ် ရှာမတွေ့၊
လမ်းကြားထဲ
ကားမီးရောင်တွေ ကွေ့ဝင်သွားကြ
သစ်ပင်လား လူလား နာနာဘာဝလား။
ရေနံဆီမီးခွက်
ငါးရှာဖားရိုက်သူတွေရဲ့ မီးအိမ်
စုန်းကစားနေခြင်း
လမ်းဘေးတစ်ဖက်တစ်ချက်
တဖျပ်ဖျပ်လွင်ပြင်
သေသူရဲ့ မျက်လုံးတွေလား။
မျက်နှာကို ဖြတ်ရိုက်သွားပေါ့
အတောင်ပံတစ်ခု
ခွေးတစ်ကောင်တောင်
အခက်ခဲဆုံး ရင်ဆိုင်ရမယ့် အကာလ
အခုမှ၊
ငါ ရနံ့တစ်ခုကို သဲသဲမဲမဲ
သရဲမရဲ အနံ့ခံနေမိ
ငါ့မိသားစုရဲ့ အနံ့
ငါ့သမီးလေးရဲ့ အနံ့ကို
ငါ လှမ်းအဆွဲ
ငါ့နာမည်ဟာ လွတ်ကျသွားတယ်။
ငါဘယ်သူလဲ
အချိန်မတော်
ငါ အခုဖြတ်ကျော်နေတာ
လမ်းမတစ်ခုလား
သင်္ချိုင်းမြေတစ်ကွက်လား
ထိတ်လန့်ပြီး
ငါ့အသားငါဖြဲကြည့်
သွေးထဲမှာ သုညတွေ။    ။

                    ခရမ်းပြာထက်လူ
                (ရယ်စရာ – ဇွန်၊ ၂၀၀၈)

ကမ္ဘာကြီးအတွက် လက်ဆောင်

ဟေးခနဲ အော်လိုက်မိရုံနဲ့
တောင်ကမ်းပါးယံတွေ ပြိုဆင်းသွားတော့မယ်၊
အသက်ကလေး ခိုးရှူမိလိုက်ရုံနဲ့
တိမ်တွေ ကွဲအက်ကြေမွသွားတော့မယ်၊

ဒီနေ့အတွက်
ပန်းတွေ အလုအယက် ထပွင့်ကြမှာ
မြင်ယောင်သေး
ဒါကြောင့်ပဲ
လူမှန်ရင် သစ်တစ်ပင် စိုက်ခဲ့ရမယ်
ဆိုတဲ့ အကိုင်းအခက်ပေါ် ငှက်တစ်သောင်း
ပျော်ရွှင်မြူးထူးနေမှာ မြင်ယောင်သေး

ဒါဟာ ဒီကနေ့ ကျောက်ဆောင်နဲ့ ပင်လယ်ရဲ့
ထိမ်းမြားလက်ထပ်ခြင်း အနုပညာပေါ်
ရောင်စုံရွက် သင်္ဘောတွေ ရွက်လွှင့် သွားလာနေတော့မယ့်နေ့
မြုံနေတဲ့ ကန္တာရ တစ်ခုကို သွန်သင်ဖို့
စတင်ပျိုးကြဲလိုက်တဲ့ နေ့တစ်နေ့ပဲပေါ့။

ဒီမှာလေ လာကွယ့်
တောင်ကျရေလိုပဲစီးစီး
စမ်းချောင်းလေးလိုပဲရွေ့ရွေ့
ဆင်တစ်ဖက် မြင်းတစ်ဖက်ဆိုလည်း
ငါတို့ ကမ္ဘာထဲပဲရောက်ရမယ်
ငါတို့ ပင်လယ်အတွက်ပဲဖြစ်ရမယ်။

အဖေကပြောလိမ့်မယ်
အိမ်ထောင်ရေးဆိုတာ
လျှာနဲ့သွား ကြား
ရွှေငါးလေးတွေ ကူးခတ်ပြေးလွှား
ပျော်ပါးနေတဲ့ မြစ်ချောင်းလေးပါတဲ့။

အမေက ပြောလိမ့်မယ်
လျှာနဲ့သွားဆိုတာ
တိမ်ပြာလေးတွေ မျောလွင့်ဆော့ကစားနေတဲ့
အဖြူရောင် ကောင်းကင်အောက်က
ခရမ်းရောင် ချစ်ခြင်းမေတ္တာလေး တစ်ခုပါတဲ့။

ကဗျာဆရာ တစ်ယောက်ကတော့
လျှာဆိုတာ
ဆင်ခြင်တုံ တရားရဲ့ လမ်းမဖြစ်ပြီး
သွားဆိုတာ
လမ်းရဲ့ အချိန်အဆကို ထိန်းညှိပေးနေမယ့်
ပုလဲလုံး ရွဲလုံးလေးတွေ စီရီထားတဲ့
ဂိတ်တံခါးလေး တစ်ခုပါတဲ့။

လောကကြီးကတော့
ချစ်ခြင်းမေတ္တာဆိုတာ
အိပ်ရာနဲ့ ပန်းခြံတွေထက်
ပိုပြီး ပျံဝဲ နိုင်ရမယ်တဲ့လေ၊

အချစ်ရေ ဒါကိုငါတို့ သိရမယ်
တစ်နေကုန် တစ်မိုးသောက် တစ်လမ်း ပွင့်တာနဲ့
မင်းဟာ ငါ့ရဲ့သူငယ်ချင်း
မင်းဟာ ငါ့ရဲ့ရဲဘော်
မင်းဟာ ငါ့ရဲ့ညီမလေး
ဒီလို နားလည်မှုနဲ့
အိမ်ထောင်ရေး ဆိုတာ
မိန်းမ တစ်ယောက်ရဲ့ အကျဉ်းစခန်း မဟုတ်သလို
ယောက်ျား တစ်ယောက်ရဲ့
ကုန်ထုတ်လုပ်ရေး စက်ရုံ
မဟုတ်ဘူးဆိုတာ သိရမယ်

ဒီလိုပဲ အိမ်ထောင်ရေးဆိုတာ
အလင်းတွေ ဆွဲဆွဲ မျိုချနေတဲ့
အာကာသ တွင်းနက်ကြီးတစ်ခု မဟုတ်ဘဲ
အလင်းတွေ မှုတ်မှုတ်ထုတ်နေတဲ့
အရုဏ်ဦးတစ်ခုဖြစ်ရမယ်

ဒီလိုပဲ
အိမ်ထောင်ရေးဆိုတာ
ဘေဘီလုံဥယျာဉ်ပျံကြီးတစ်ခုထဲက
ရတနာသိုက်ရှာဖွေနေတဲ့ မြေပုံစာရွက်ပေါ်
တက်အိပ်မိလျက်သားအဖြစ်နဲ့
ကံကောင်းခြင်းလက်ဖွဲ့တွေရတတ်ကြတဲ့
သိုက်စာအညွှန်းလည်းဖြစ်ရမယ်၊
အဲ့ဒီအထဲက
ထီးနဲ့ ဓားလို
ကမ္ဘာကိုအရိပ်မိုး ပျိုးကြဲသူတွေအဖြစ်
သမီးနဲ့သားတွေကိုလည်း
လက်ဆောင်အဖြစ် ရကြရမယ်လေ၊

မင်္ဂလာပါ
လူကြီးမင်းတို့ခင်ဗျား လူသားနှစ်ယောက်ရဲ့
သမိုင်းစာအုပ် တစ်အုပ်ရဲ့ ပထမဆုံး စာမျက်နှာကို
ဒီကနေ့မှာ ဖွင့်လှစ်လိုက်ပါပေါ့၊
နေမင်းကြီးက
လနတ်သမီးပေါ် အနမ်းမိုးတွေ ရွာချလိုက်တဲ့အချိန်
အာဖရိက စိန်တွင်းကြီးပွင့်ထွက်လာသလို
ကောင်းကင်မှာ ကြယ်ကလေးတွေ အလုအယက် မွေးဖွားလာကြ
မနာလိုစွာ
မြေကမ္ဘာက ငေးကြည့်နေရတဲ့အဖြစ်နဲ့
အချစ်ဆိုတာ လာခဲ့ပြီ။       ။

                               ခရမ်းပြာထက်လူ

ပီပါလွန်

သမုဒ္ဒရာကြီးထဲမှာ
မပြောပလောက်တဲ့ ကျွန်းကလေးတစ်ကျွန်း

အဲဒီ ကျွန်းကလေးတစ်ကျွန်းပေါ်မှာ
အပ်ဖျားတစ်ထောက်စာ အစက်ကလေးတစ်စက်

အဲဒီအစက်လေးထဲမှာတော့
စကြ၀ဠာထက်ကြီးတဲ့
အလျှံရဲရဲ လွတ်မြောက်လိုစိတ်တွေ။    ။

                                      နွယ်စိမ်းဝေ
                                      နွယ်နီမဂ္ဂဇင်း

ကမ္ဘာမြေသို့အော်ငိုနေသော မေတ္တာတရား

မင်းကိုလွမ်းတဲ့စိတ်နဲ့
ကိုယ့်အခန်းကို မီးဖွင့်မိ မဖွင့်မိ
ကိုယ့်ကွန်ပျူတာခလုတ်ကို ပိတ်မိ မပိတ်မိ
ကိုယ်မသိ
မင်းကို လွမ်းတဲ့စိတ်နဲ့
ကိုယ်အခုချွေးတွေပြန်နေတယ်
အိပ်ယာပေါ်မှာ လူးလိမ့်နေတယ်
ကိုယ်စိမ်းစိုခဲ့ဖူးသော ကမ္ဘာ
ခုမင်းဘယ်မှာလဲ

“မီးလောင်နေတဲနှလုံးသားပေါ် အနမ်းနဲ့
တက်မှရတယ်”တဲ့
မာယာကော့ဗ်စကီး” ကပြောတယ်
“နှုတ်ခမ်းပေါ် အနမ်းနဲကတက်မှရတယ်” တဲ့
မီးသတ်သမားတို့ရဲ့ ဘွတ်ဖိနပ်ကြမ်းကြမ်းတွေ
အဲဒီဘွတ်ဖိနပ်ကြမ်းကြမ်းတွေစီးပြီး
ကိုယ်မင့်နှုတ်ခမ်းပေါ်မတက်ခဲ့ရပါဘူး

ဖြည်းဖြည်းလေး
တကယ့်ကိုမှ ညင်ညင်သာသာ ဖြည်းဖြည်းလေး
မျှော်စင်ပေါ်တက်ခဲ့တာ
မင့်နှုတ်ခမ်းထက်က မျှော်စင်ထက်ကိုတက်ခဲ့တာ

မီးလောင်နေတယ်
မြို့ရဲ့ ဘယ်နေရာမှာ မီးလောင်နေတာလဲ?
မီးကလောင်နေတာတဲ့လဲ?
မီးသတ်ကားတွေလွှတ်ပေးရမလား
(တစ်ယောက်ကလှမ်းပြောတယ်)
မီးသတ်ဌာန ဖုန်းနံပါတ် ဘယ်လောက်လဲ?
(တစ်ဦးကလှမ်းမေးတယ်)
ကိုယ့်ရင်ထဲမီးလောင်နေပြီ
မျှော်စင်ပေါ်တက် မြို့ကိုကြည့်ခဲ့မိသူ
ကိုယ့်ရင်ထဲမှာ မီးလောင်နေပြီ
ဟုတ်တယ်
မင်းကိုလွမ်းတဲ့စိတ်ကြောင့် ကိုယ့်ရင်ထဲမှာ
မီးလောင်နေပြီ

လူနာမည် - ကျော်ဇေယျ
နတ်နာမည်- နွယ်စိမ်းဝေ
နွားအကြောင်း ကောင်း ကောင်းမသိတဲ့
ကဗျာဆရာ
သွားမပါတဲ့နွားလား
မြက်နုကြိုက်တဲ့နွားလား
နွားရှေ့ထွန်ကျူးမိသလား
နွားကို ဂျေဒိုးနတ် ကျွေးမိသလား
ကိုယ်မသိ

မင်းကိုချစ်တာ တစ်ခုတည်း
မင်းကို သတိရတာ တစ်ခုတည်း
မင်းကို တွေ့မြင်ချင်တာ တစ်ခုတည်း
မင့်ရင်ညွန့်ထက်က အင်းကြင်းပွင့်လေးကို ဖွဲ့ဆို
ဖို့ရာတစ်ခုပဲကိုယ်သိ

ကိုယ်ဟာ သိပ်ရိုးရှင်းတဲ့အရေးအသား
ကိုယ်ဟာ မဖုံးကွယ်တတ်သော တောင်ပေါ်မြေသားစကားပြေ

ကိုယ်အခု
မင်းကိုလွမ်းတဲ့စိတ်နဲ့ ဒီကဗျာကို ရေးနေတယ်
မင်းကိုလွမ်းတဲ့စိတ်နဲ့ ဒီစကားကိုပြောနေတယ်
မင်းကိုလွမ်းတဲ့စိတ်နဲ့ အိမ့်ရှေ့လမ်းကလေးမှာ
လမ်းလျှောက်နေတယ်

ကိုယ့်ခြံတံခါးကို နေ့နေ့ညည ဖွင့်ထားဆဲ့ . . .
ခြံထဲက မြက်ရိုင်းတွေနဲ့အတူ
ကိုယ့်မုတ်ဆိတ်မွှေး နှုတ်ခမ်းမွှေးများ
ရှည်လျားဆဲ. . .

မင်းကိုလွမ်းတဲ့စိတ်မှာ
တိမ်တွေဟာ နိမ့်လိုက်မြင့်လိုက်
လေယာဉ်ပျံဟာ တက်လိုက်ဆင်းလိုက်
မင်းကိုလွမ်းတဲ့စိတ်နဲက
စာတိုက်ပုံးလေးကို ဖွင့်လိုက် ပိတ်လိုက်
အင်္ကျီကြယ်သီးတွေကို ဖြုတ်လိုက်တပ်လိုက်

မင်းကိုလွမ်းတဲ့စိတ်မှာ
လေဟာ တိုက်သလိုလို မတိုက်သလိုလို
နေဟာပူသလိုလို မပူသလိုလို
မိုးဟာ ရွမလိုလို မရွာမလိုလို
ဘယ်လိုဥတုရာသီ မျိုးကြီးလဲ
တစ်နေ့ တစ်နေ့
ငါ့မှာ လုပ်စရာက ဒါပဲ

မင်းကိုလွမ်းတဲ့စိတ်နဲ့ ဒိုင်ယာရီအဟောင်းတွေ
ပြန်ရှာ
မင်းကိုလွမ်းတဲ့စိတ်နဲ့ ကဗျာအဟောင်းတွေ
ပြန်ဖတ်
မင်းကိုလွမ်းတဲ့စိတ်နဲ့ အပြီးမသတ်သေးတဲ့
သီချင်းတွေဆက်ရေး

တစ်နေ့ တစ်နေ့
မင့်ကိုလွမ်းတဲ့စိတ်နဲ့ အိပ်ယာထ
မင့်ကိုလွမ်းတဲ့စိတ်နဲ့ မျက်နှာသစ်
မင့်ကိုလွမ်းတဲ့စိတ်နဲ့ သွားတိုက်
မင့်ကိုလွမ်းတဲ့စိတ်နဲ့ အာလုပ်ကျင်း
မင်းကိုလွမ်းတဲ့စိတ်နဲ့ ဘုရားမီးပူဇော်
မင်းကိုလွမ်းတဲ့စိတ်နဲ့ သောက်တော်ရေချမ်းကပ်
မင်းကိုလွမ်းတဲ့စိတ်နဲ့ အမွှေးတိုင်မီးထွန်း
……………………………………………..
…………………………………………….
တစ်နေ့ တစ်နေ့ ဒါပဲ
ငါ့မှာ လုပ်စရာက ဒါပဲ

ည ည ဆို
မင်းကိုလွမ်းတဲ့စိတ်နဲ့လမင်းကြီးကို ထွက်ထွက်ကြည့်
ငွေကြယ်လေးကိုထွက် ထွက်ကြည့်
ငှက်ဆိုးထိုးသံကို ကျိန်ဆဲ ကျိန်ဆဲ
ဒါပဲ
ငါ့မှာ လုပ်စရာက ဒါပဲ
ခဏကတင်မင်းကိုသတိရတဲ့အကြောင်း
နံရံမှာ စာတစ်ကြောင်းရေးသေးတယ်
ကိုယ့်ဘောလ်ပင်
အခုဘယ်မှာ
ဘယ်သူနေရာ ရွှေ့ထားလိုက်တာလဲ?
မဆီ မဆိုင်
ပင့်ကူတွေကို ဘာကြောင့် မုန်းတာလဲ?

မင်းအိမ်သုံးမီးဖိုချောင်သုံးပစ္စည်းတွေထဲက
ကိုယ့်ဟာ ဘယ်လိုခြင်ဆေးခွေမျိုး
ဘယ်လို ပရုပ်လုံးမျိုး
ဘယ်လို ပေါင်းတင်းဝါးမျိုး
ဘယ်လို အမှိုက်တောင်းမျိုးလဲ?

“မျောက်ကိုမြင်ရင် ခဲနဲ့ထုချင်တယ်”လို့
မောင့်ကိုမပြောပါနဲ့ . . .

တစ်ခုလုံး မယူရဆိုရင်
တစ်ဝက်တော့ယူမယ်
တစ်ဝက်မယူရ ဆိုရင်
တစ်စိတ်တော့ယူမယ်
တစ်စိတ်မယူရဆိုရင်
တစ်စိတ်ရဲ့တစ်ခြမ်းတော့ယူမယ်
တစ်ခြမ်းမယူရဆိုရင်
တစ်ခြမ်းရဲ့တစ်ဝက်တော့ယူချင်တယ်

တကယ်တော့
စွန့်ပစ်မယ့် အမှိုက်တစ်စကို
အမှိုက်တောင်းထဲ မရောက်ခင် ကြည့်တဲ့အကြည့်နဲ့တောင်
ခေတ်ကြီးကမောင့်ကိုလှည့်ကြည့်မသွားပါဘူးကွာ
အနာဂတ်ဆိုတာ
ငြိမ်းချမ်းစွာအတူယဉ်တွဲနေထိုင်သွားရမယ့်
အိမ်ရာပဲ

“အချစ်တွေရမယ်
အချစ်တွေယူပါဦး”လို့
နှလုံးသားကို လမ်းဘေးဈေးရောင်းသလို
ဘယ်တုန်းကအော်ရောင်းခဲဖူးလဲ?

မင်းမကြိုက်တဲ့ အ၀တ်အစား
တစ်ချိန်က ၀တ်ခဲ့တယ်
မင်းမနှစ်သက်တဲ့ ဆံပင်ပုံစံ
တစ်ချိန်ကထားခဲ့တယ်
မင်းကြည့်မရတဲ့ ဟိုတစ်ယောက်နဲ့
တစ်ချိန်က တွဲခဲ့တယ်

သံသရာဟာ လည်တတ်သလား
ပန်ကာဟာ လည်တတ်သလား

မင်းကိုလွမ်းတဲ့စိတ်နဲ့
ဒီဆေးလိပ် အခုဖြတ်ပြီ
ဒီအရက် လုံးဝ မသောက်တော့ဘူး
ဒီကွမ်း လုံးဝ မ၀ါးတော့ဘူး
အိပ်၍မပျော်သောညများနဲ့ ညတွေရဲ့အလယ်
မင်းကိုလွမ်းတဲ့စိတ်နဲ့
“လွမ်းစိတ်”ကို သတ်ချင်တယ်
သတ်မရဘူး။

အဝေးသစ်ပင်
ဆီးရွှင်နေသောကဗျာ
ညီမလေး မဖတ်ရ
စာသားက
“နှင်းဆီရနံ့သင်းတဲ့ အဝေးကလမင်းရေ
မင်းမျက်လုံးတွေ သိပ်လှတယ်”
လှတယ် သိပ်လှတယ်

ထက်မြက်တဲ့ ပန်းကလေး
မောင်သိပ်ချစ်ရတဲ့ ဂြိုဟ်ပြာလေး
မင်းကို လွမ်းတဲ့စိတ်နဲ့
ဖျော်ထားတဲ့ ကော်ဖီတွေလည်း အေးခဲကုန်ပြီ
မီးကင်ထားတဲ့ ပေါင်မုန့်တွေလည်းမီးကျွမ်းကုန်ပြီ

စိတ်ခံစားချက်သမားပါ
သံမဏိစည်းကမ်းပါ
တောင်ကုန်းပေါ်ကို ပြေးတက်ခဲ့တယ်
တောင်းကုန်းပေါ်က ပြေးဆင်းခဲ့တယ်

အခုတော့ မောင်ဟာ
မျောက် ရှားမီးခဲ ကိုင်မိသလိုလို
ငပိအိုးပေါ် တက်ထိုက်မသိလိုလို
အော်ငိုနေရပါသော မေတ္တာတရား စစ်စစ်ကြီး။     ။

                                                    နွယ်စိမ်းဝေ
                                                    (Heart)

နွယ်စိမ်းဝေကိုတက်မောင်းသွားတဲ့ကား

အရင်ဆုံး
စိတ်ကိုဖရီးထား
စက်နှိုး
ဖြည်းဖြည်းလေး
မှန်မှန်လေး
စထွက်
ဂီယာနံပါတ် (၁)နဲ့

တရိပ်ရိပ်
တပတ်ချင်း
အရှိန်တက်လာ
ရှေ့ကိုတည့်တည့်ကြည့်
ဂီယာနံပါတ် (၂) နဲ့

လက်ဝဲ၊ လက်ယာ
ရှေ့ကား၊ နောက်ကား
ယာဉ်ကြောရှင်းရဲ့လား
အိုကေ
ဂီယာနံပါတ် (၃) (၄) (၅)

သတိထား
ကိုယ့်ဂိုးကိုယ်ပြန်မ၀င်အောင် သတိထား
ဘရိဒ် မီးလင်းရဲ့လား
စီယာတိုင်ငြိမ်ရဲ့လား

အာရုံမများနဲ့
အရှိန်ယူထား
တောင်ပေါ်တက်မယ်
အရှိန်လျော့ထား
အကွေ့ရှိတယ်

တစ်ဂါလံ - မိုင်ဘယ်လောက်
တစ်နာရီ - မိုင်ဘယ်လောက်
ခေါင်းမထုတ်နဲ့
နောက်ကားကျော်မယ်။

ခေတ်အဆက်ဆက်
လမ်းစည်းကမ်းမှာ
ကဗျာဆိုတာ
လွတ်လပ်စွာရေးခွင့်ရှိတယ်။

ကိုယ့်တာဝန်ကိုယ်ယူ
ကိုယ့်စပိဒ် ကိုယ်နိုင်
ပြီးတော့မှ
ဘယ်ခြေထောက်မှ သွားမကိုင်နဲ့။    ။

                                နွယ်စိမ်းဝေ

သစ်ခွ (သို့) ပုန်းနေတဲ့မွှေးရနံ့

သူ့နှုတ်ခမ်းက
မေတ္တာမဲ့သူ နမ်းခွင့်မရှိတဲ့နှုတ်ခမ်း
သူ့လမ်းက
သစ္စာမဲ့သူ လှမ်းခွင့်မရတဲ့လမ်း

တစ်ယောက်လည်ပင်း တစ်ယောက်နင်းကြ
တစ်ယောက်သွေး တစ်ယောက်စုပ်ကြ
တစ်ယောက်အတင်း တစ်ယောက်အုပ်ကြ

ခေါ်၍မထူး
အူ၍မကြား
ငို၍မှ မျက်ရည်မကျတဲ့လောကထဲ

သူရနံ့လေးက
လူတွေကို ကြောက်လို့ပုန်းနေရတဲ့ ရနံ့လေး

တွေ့မြင်ချင်ရင်
စိတ်ကောင်းမွေးရမယ်။     ။

                        နွယ်စိမ်းဝေ
                        ကလျာမဂ္ဂဇင်း

သဘာဝသင်းကွဲ

စာ ခို ကျီးကန်း ပျံကျသမား
ရေအိုင် ဘဲဖြူလှေထိုးသား
တီကောင် လယ်ထွန်စား။     ။

                           မောင်လူမှိန်
                           အမှတ် ၈၊ စာပေဂျာနယ်၊ ၁၉၈၉
                          အောက်တိုဘာ၊ မဟေသီမဂ္ဂဇင်း၊ ၀၈

လမ်းမ

တစ်ချို့လူတွေအတွက်
လမ်းမရဲ့ အဆုံးဟာ
နေအိမ်တစ်လုံးဖြစ်တယ်။

တစ်ချို့လူတွေအတွက်
လမ်းမရဲ့ အဆုံးဟာ
ဥယျာဉ်တစ်ခု ဖြစ်တယ် ။

တစ်ချို့လူတွေအတွက်
လမ်းမရဲ့အဆုံးဟာ
သစ်တော တစ်အုပ်ဖြစ်တယ် ။

ငါ့အတွက်တော့
လမ်းမရဲ့ အဆုံးဟာ
နောက်ထပ်  လမ်းမတစ်ခုသာ  ဖြစ်ခဲ့ရတယ်။      ။
                                                  မြင့်မိုးအောင်

လမ်းများ

ဘယ်ကို စီးသွားပါလိမ့်
မြို့တော်ရဲ့ လမ်းများ။
ယိုင်ယွဲ့နေတဲ့ ဓါတ်တိုင်တွေကို ထူမတ်ဖို့
မာကျူရီတောအုပ်ရဲ့ အလယ်မှာ
သင် အင်အားရှိပါစ။
လမ်းဆိုတဲ့ နောက်တော့
ကောက်ကွေ့မှာပေါ့၊
ဟောဟိုမှာ သင်ခုံး
ဟော ဒီမှာ သင်ခွက်နေပုံက
အရှက်မဲ့စွာ သဘာဝကျ၊
ရုပ်သေးရုပ် ဇော်က ကနေသလို။
ဘာကို မျိုထားမှန်း မသိတဲ့လူတွေ
(တချို့ ဆိတ်ခြေထောက်၊
တချို့ ပန်းသီးတစ်ဖဲ့
တချို့ ကြက်ဥကြော်…အဲသလို)
ဘာကို မျိုထားမှန်း မသိတဲ့ သူတွေ
လူတွေကို မျိုထားတဲ့ ကားတွေ
ကားတွေကို မျိုထားတဲ့လမ်းတွေ
ဟွန်းသံတွေကို ပျို့အန်
တိုက်အိုများရဲ့ နံရံကို ရိုက်ခတ်
ပန်းခြံတွေလန့်အောင်
ပဲ့တင်ထပ်ခဲ့ပေါ့…။    ။

                 သစ္စာနီ

ပိုလျှံနေသော ၀ါကျများ

(၁)

ငါးဟာ….
ရေကိုမသိသလို
လူတွေဟာ….
မသိတာကလွဲလို့
အားလုံးသိခဲ့ကြတယ်။

(၂)

ကြည့်ပါ
တခမ်းတနား နေထိုင်ဖို့
ဘုရားသခင်ကအစ
တစ်ခါသုံးဘောပင်အထိ
ကျွန်တော်တို့….
ဖန်းဆင်းခဲ့ကြ။
ဘာသာစကားကနေ
ဆင်ဖိုနီဓာတ်ပြားအထိ
အင်တာနက်ကနေ
ထရိုဂျင်းနစ် မြင်းရုပ်အထိ
ကျွန်တော်တို့
ဖန်ဆင်းခဲ့ကြ။
စည်သွပ်ဘူးကနေ
ဆိုကရေတီး အဆိပ်ခွက်အထိ
အိတ်ခ်ျအိုင်ဗွီပိုးကနေ
အင်္ဂါဂြိုဟ်သွားယာဉ်အထိ
ကျွန်တော်တို့
ဖန်ဆင်းခဲ့ကြ။
ပိရမစ်ကနေ
စက္ကူနဲ့လုပ်တဲ့ပန်းအထိ
ဆံပင်ဆိုးဆေးကနေ
အာဏာရှင်စနစ်အထိ
လူကနေ…
လူပုံတူမျိုးပွားအထိ
ကျွန်တော်တို့
ဖန်ဆင်းခဲ့ကြ။


(၃)

ကျွန်တော်တို့ဟာ
သစ်ပင်ပေါ်ကဆင်းပြီး
အချင်းချင်းလက်ဆွဲနှုတ်ဆက်
ဟဲလို၊ဟိုင်း၊ဟေး
ယဉ်ကျေးခဲ့ကြပါတယ်။
လေးနဲ့မြားကိုတင်တတ်အောင်
ကောက်တဲ့အခွန်ဆောင်တတ်အောင်
ထီးဖြူမိုးတတ်အောင်
ယဉ်ကျေးခဲ့ကြပါတယ်။
မိုးမျှော်တိုက်တွေကို ဂူလုပ်ဖို့
နေ၀င်ရင် မီးဖွင့်တတ်အောင်
တိုက်ပုံအကျီ င်္ ၀တ်တတ်အောင်
ယဉ်ကျေးခဲ့ကြပါတယ်။
ဒါဝင်က သင်မပေးရအောင်
ရေချိုးခန်းနဲ့ရေးချိုးတတ်အောင်
ကဗျာရေးတတ်အောင်
ယဉ်ကျေးခဲ့ကြပါတယ်။
တံတားဆောက်တတ်အောင်
ဥပဒေပြုတတ်အောင်
ကွန်ဒုံးသုံးတတ်အောင်
ယဉ်ကျေးခဲ့ကြပါတယ်။
ဖဲကစားတတ်အောင်
ဘုရားဖူးသွားတတ်အောင်
နျူကလီယား ဗုံးလုပ်တတ်အောင်
ယဉ်ကျေးခဲ့ကြပါတယ်။
လပေါ်လမ်းလျှောက်တတ်အောင်
ကာကွယ်ဆေား ထိုးတတ်အောင်
ကိုယ့်အိမ်တံခါးကို လုံးခြုံစွာ ပိတ်တတ်အောင်
ယဉ်ကျေးခဲ့ကြပါတယ်။

(၄)

ဒီလိုနဲ့…
ကျွန်တော်တို့
စားဖို့အတွက်
ပန်းကန်နဲ့ချက်ပြုတ်နည်းတစ်ထောင်နဲ့
သူများအသက်နဲ့။
သောက်ဖို့အတွက်
အိုအေစစ်နဲ့ မိုးခါးရေနဲ့
ရေသန့်ဘူးစက်ရုံနဲ့။
နေဖို့အတွက်
လေအေးပေးစက်နဲ့
ပြက္ခဒိန်နဲ့
ရေလိုက်ငါးလိုက် အတွေးအခေါ်နဲ့။
ကြည့်ဖို့အတွက်
ရုပ်ရှင်ရုံနဲ့ပန်းချီပြတိုက်နဲ့
တတ်ယောင်ကား မျက်စိနဲ့။
နားထောင်ဖို့အတွက်
ရေဒီယိုနဲ့ဓာတ်ပြားနဲ့
နီရိုးဘုရင်ရဲ့ ဗျပ်စောင်းသံနဲ့။
ရှူရှိုက်ဖို့အတွက်
ပင်လယ်လေနဲ့ ရက်ဗလွန်ရေမွှေးနဲ့
မသူတော်ခုနှစ်ပါး ကိုယ်နံ့နဲ့။
စီးပွားရှာဖို့အတွက်
မတော်လောဘနဲ့ ချိန်ခွင်နဲ့
မာကင်တိုင် ၀ါဒနဲ့။
စစ်တိုက်ဖို့အတွက်
လက်နက်နဲ့ သေနင်္ဂဗျူဟာကျမ်းနဲ့
နိုင်လိုမင်းထက်ဝါဒနဲ့။
အပျင်ဖြေဖို့အတွက်
စီးကရက်နဲ့အလေလိုက်စရာနဲ့
အမဲပစ် ရိုင်ဖယ်နဲ့။
ငါမှန်ကြောင်း၊သူမှားကြောင်း
ပြောဖို့အတွက်
ပါးစပ်နဲ့ ကိုးကားစရာစာအုပ်နဲ့
မိုးတစ်လုံးလေတစ်လုံးဘ၀င်နဲ့။
ဖျားနာဖို့အတွက်
အထူးကုဆေးခန်းနဲ့ရုပ်ခန္ဓာနဲ့
ကိုးဆယ့်ခြောက်ပါး ရောဂါနဲ့။
သေဆုံးဖို့အတွက်
သံသရာနဲ့သချို င်္င်းနဲ့
(သေပြီးမှ)….
သတိရကြမယ့် လူတွေနဲ့။

(၅)

ကျွန်တော်တို့မှာ
ဂေါတမဗုဒ္ဓရှိတယ်
နစ်ရှေးရှိတယ်။
မဟတ္ထမဂန္ဒီရှိတယ်
စတာလင်ရှိတယ်။
မိုးဇက်ရှိတယ်
ဗာဂျီးနီးယားဝုဖ်ရှိတယ်။
သောမတ်အယ်ဒီဆင်ရှိတယ်
ဂျက်ဆင်ပိုးလော့ရှိတယ်။
အက်တလတ်ရှိတယ်
ပီတာဝိုင်ယာရှိတယ်။
ဆစ်မဂန်ဖရွိုက်ရှိတယ်
ကိတ်ဝင်းဆလက်ရှိတယ်။
ဖူကူမားယားရှိတယ်
ယူတူးက ဘိုနိုရှိတယ်။
စတီဖင်ဟော့ကင်း ရှိတယ်
အိုစမာဘင်လာဒင်ရှိတယ်။
ကျွန်တော်တို့မှာ
တိရိစ္ဆာန်ရုံရှိတယ်
ဘေးမဲ့တောရှိတယ်။
ဂေါက်ကွင်းရှိတယ်
အကျဉ်းထောင်ရှိတယ်။
စိပ်ပုတီးရှိတယ်
ဆန့်ကျင်ဘက်လိင်ရှိတယ်။
စီးနေတဲ့မြစ်တွေရှိတယ်
ပေါက်ကွဲမယ့် မီးတောင်ရှိတယ်။
ဝိုင်အိုလက်ပေါင်ဒါရှိတယ်
အဏုမြူဓာတ်ပေါင်းဖိုရှိတယ်။
သစ်ခွပန်းရောင်စုံရှိတယ်
အသားကြိတ်တဲ့စက်ရှိတယ်။
စားမရတဲ့ သစ်သီးတွေရှိတယ်
လကွယ်ညရှိတယ်။
ကျေးပိုင်ကျွန်ပိုင်စနစ်ရှိတယ်
ချွေးနံ့ပျောက်ဆေးရှိတယ်။

(၆)

ဒီလိုနဲ့
ခပ်တည်တည်နဲ့ပဲ
ကျွန်တော်တို့ဟာ
ဘယ်တော့မိုးရွာမယ်ဆိုတာ
ကြိုတင်ပြောလို့။
ယုန် မြေမနင်းသားကို
ဓားနဲ့လှီးကာ
အရသာခံဝါးလို့။
အလင်းနှစ်တစ်သန်းက ကြယ်ကို
နက္ခတ်ကြည့်မှန်ပြောင်းနဲ့ကြည့်လို့။
အပါယ်လေးဘုံကို
ဓာတ်လှေကား အလုအယက်ဆင်းလို့။
ပိုတမ်ကင်သဘောင်္က အမြောက်သံကို
စပျစ်ဝိုင်စုပ်ရင်း နားထောင်လို့။
ဧဒင်ဥယျာဉ်ကို
မပုပ်သိုးအောင် ဖော်မယ်လင်စိမ်လို့။
ထိုဝါဒ၊ဟိုဝါဒတွေကို
ကိုယ့်နဲ့တော်သလို အကျီ င်္ချုပ်ဝတ်လို့။
ခပ်တည်တည်နဲ့ပဲ
ကျွန်တော်တို့ဟာ
စစ်ကြေညာလို့
စစ်ပြေငြိမ်းလို့
သစ်ပင်တွေကိုခုတ်လို့
သစ်ပင်တွေကိုစိုက်လို့
လက်ထပ်ကြလို့
ကွာရှင်းကြလို့။
ခပ်တည်တည်နဲ့ပဲ
ကျွန်တော်တို့ဟာ
သရုပ်ဆောင်လို့
သရုပ်မဆောင်လို့
ရေကိုစုန်လို့
ရေကိုဆန်လို့
တစ်ဝက်ကိုစားလို့
တစ်ဝက်ကိုထွေးလို့။
ခပ်တည်တည်နဲ့ပဲ
ကျွန်တော်တို့ဟာ
ငါးတွေမျှားလို့
ငါးတွေလွှတ်လို့၊
မှားတာတွေမှန်လို့
မှန်တာတွေမှားလို့
သေရမှာကြောက်လို့
သေရမှာမကြောက်လို့။

(၇)

သမိုင်းနိဂုံးချုပ်ခဲ့ပြီ
ဂုဏ်ဆိုတာငွေကိုခေါ်တယ်
ဘယ်သူတရားပျက်ပျက် ကိုယ်မပျက်စေနဲ့
မြစ်တစ်မြစ်ထဲကို နှစ်ခါပြန်မဆင်းနိုင်
စိတ်မလုံရင် တိတ္ထုံကိုကြည့်
အိုဇုန်းလွှာကို ကယ်တင်ကြပါ
အားလုံးဟာ လိုင်ဘီဒိုညာဉ်မှာ အခြေခံတယ်
ငြိမ်းချမ်းရေးအတွက် စစ်လိုတယ်
စပါးတားကတ်ဆိုတာ ဘယ်သူလဲဟေ့
ဖြစ်တည်မှုဟာ အနှစ်သာရထက် ရှေးကျတယ်။

(၈)

သင်..
နေထိုင်ဖို့ရာ
ပျော်ပျော်ရွှင်ရွှင် နေထိုင်ဖို့ရာ
ဒါမှမဟုတ်
မပျော်မရွှင် နေထိုင်ဖို့ရာ
ဘာမှ
မလိုပါ။
ဥပမာ
ဒီဝါကျတွေက အစ မလိုသလိုပေါ့။     ။

                                   သစ္စာနီ
                      (ဟန်သစ်မဂ္ဂဇင်း၊၂၀၀၄၊ နိုဝင်ဘာ)

သမိုင်းဖတ်စာ (မောင်ချောနွယ်+အောင်ချိမ့်)

 

Download Here

ဆောင်း

မသိနားမလည်သူလေးလို
နံရံကိုတွန်းဖွင့်ဝင် နံရံကိုပြန်တွေ့လို့
ဝင်္ကပါ...။
ဆိုပါစို့..........
ထူးဆန်းထွေလာတစ်ခုပေါ်မှာအမှီပြုရ
ချစ်မေတ္တာဟာ အခု
ထီးတစ်လက်နဲ့ ဆိုက်ရောက်လာမယ်လား။
ဒီထက်ကွေ့ကောက်ဖို့လည်းမဖြစ်နိုင်တော့
လသာသည်ဖြစ်စေ
လမသာသည်ဖြစ်စေ
ဘဝကိုလည်းဒီအတိုင်းခံယူကာ
ကိုယ့်အနေအထားနဲ့ကိုယ်နေခဲ့။
ဂေါ်သဇင်ပန်းလေးတွေပွင့်တော့မယ်လား
ကျွန်တော်မှားရင်လည်း ခွင့်လွှတ်ဖို့
တစ်ဦးတစ်ယောက်ကပြောပါလိမ့်မယ်ချစ်သူ....။     ။

                                              ခင်ဇော်မြင့်

တောင်သမန်

လူတစ်ယောက်
အင်းရေပြင်ကိုကြည့် စိတ်ကူးခဲ့လိမ့်မယ်
အဲဒီစိတ်ကူးဟာ အခု တံတားဖြစ်လို့
အဲဒီတံတားပေါ်မှာ အခု ကျွန်တော်တို့
လမ်းလျှောက်လို့
အင်းရေပြင်ကိုကြည့်လို့
စိတ်ကူးလို့..။     ။

                ခင်ဇော်မြင့်

လူဇော်နဲ့ နီးစပ်ရာ အသိုင်းအဝိုင်း

ပဲခူးမြစ်အရှေ့ဘက်ခြမ်းမှာ မိုးတွေညို့နေပြီ…

အတွင်းလူနာတစ်ယောက်ရဲ့
ဆေးကုသမှုမှတ်တမ်းကို ပြန်ကြည့်ရသလိုမျိုး
….လွမ်းတယ်။
ကမ်းပြိုကျသလို ပဲ့ကျရင်ခုန်သံတွေ တစ်ဝုန်းဝုန်း
မြွေတစ်ကောင်နဲ့ ရစ်ပတ်ထုတ်ပိုးထားတဲ့ ညီမလေးရဲ့ ဓာတ်ပုံ
သွေးမတိတ်သေးတဲ့ မြတ်နိုးမှုအဆိပ်တွေစွန်းပေ
ဝေးပြီ….
ဝေးကွာသွားပြီဆိုတာသိတယ်။
ဘဝရနံ့တွေနောက် ရေလိုက်ငါးလိုက်
ညီမလေးက စီးဆင်းမျောပါသွား
ငါတို့ ခွဲခွါလိုက်ကြတယ်။
ဒါပေမယ့်
ငါ့ရင်ထဲစူးတဲ့ အနမ်းတွေ အပွင့်မပျက်
ညီမလေးရင်ထဲက အချစ်ဦးရုပ်ရှင်လေးကို ကြည့်နေရ
မိုးတွေရွာနေပြီညီမလေးရယ်….
ဖရိုဖရဲ လိမ့်ကျလာတဲ့ မျက်ရည်စက်တွေပါ…။       ။

                                         ကောက်နွယ်ကနောင်
                                         သရဖူ ၊ ၂၀၀၃ ၊ ဇွန်။

တစ္ဆေစံပယ်

မိုးကောင်းကင် တိမ်တိုက်တွေထဲလွင့်မျှော
ပင်လယ်လှိုင်းတွေနဲ့ ရင်ခုန်
စိမ်းညှို့သစ်တောအုပ်ထဲ ပြေးလွှား
ရိုးမ လက်မောင်းတွေပေါ် ခိုနားတယ်...။

တိမ်တိုက်၊ပင်လယ် ၊ သစ်တော
တောင်တန်းအငွေ့အသက်တွေနဲ့
လေညင်းလေလို ရောက်လာလိမ့်မယ်..။

စံပယ်ပန်းရနံ့ရတယ်
သိလိုက်ပြီ
လူ့ဘဝတုန်းက ကဗျာဆရာ
ဘယ်ဖက်ပခုံးမှာ သူရဿတီစောင့်တယ်
ညာပခုံးမှာ ဗီးနပ်စ်စောင့်တယ်
တိုက်ခန်းရှေ့မှာ ရပ်တယ်
ကားမှတ်တိုင်မှာ စောင့်နေတယ်
လက်ဖက်ရည်ဆိုင်မှာ ထိုင်နေတယ်
ကျောင်းပေါက်ဝမှာ ရှိနေတယ်
ဘုရားရင်ပြင်တော်ပေါ် လျှောက်သွားတယ်
အရိပ်အရောင် ရနံ့ပေးတယ်
ခြောက်ခြားဖွယ်နေ့ရက်များ
ကြေကွဲခံစား ကိုယ်ယောင်ဖျောက်တတ်သူ...။

စံပယ်ပန်းထဲမှာ
ကဗျာဆရာ လိပ်ပြာရှိတယ်
စံပယ်ဝတ်ရည်ထဲမှာ
ကဗျာဆရာ အချစ်ရှိတယ်
စံပယ်ငုံထဲမှာ
ရင်ခုန်စရာ အနမ်းတွေရှိတယ်
ကမ္ဘာတည်အောင် နက်ရှိုင်းစွဲလမ်းနေသူပါ
သံသရာထဲ စွဲမြဲစိုးမိုးနေ..။

ထိတ်ခနဲ ရိပ်ခနဲ
ထူးကဲရှတ စံပယ်ပန်းနံ့ ရလိမ့်မယ်
အရိပ်အရောင်ရနံ့ အသက်ဓါတ်ဆက်နွယ်
စိတ်တူ ကိုယ်တူ အဖြူအစိမ်း ဝတ်သူလေးရေ
မမြင်နိုင်တဲ့ ကဗျာဆရာ လက်ကိုတွဲ
ရင်ထဲရှိသူရဲ့ နေရာ
အသွေးအသားထဲမှာ
စံပယ်ဖြူ တစ်ပွင့် တစ်ပွင့် တလွင့်လွင့် စီးမျှော
တောတွေ တောင်တွေ ဖြတ်ကျော်ခဲ့
လွင့်ပါးတိမ်တိုက်တွေပေါ် လိုက်ပါခဲ့
ပင်လယ်ကမ်းစပ်တွေမှာ လှိုင်းမူးခဲ့
သစ်ပင်တောတန်းတွေပေါ် ခုန်ကူးခဲ့
တခြားကမ္ဘာရှိဖူးရဲ့
ချစ်သူသွားလေရာနောက် တကောက်ကောက် လိုက်ပါ
သေဆုံးကဗျာဆရာ ဝိညာဉ်ဖြူတရိပ်ရိပ်
နွေးထွေးရှိန်းမြ ရင်ဖို ဝိုးတဝါး......။      ။

                          ကောက်နွယ်ကနောင်
                          FASHIN IMAGE ,JUNE 1999