အတွင်းလူနာတစ်ယောက်ရဲ့
ဆေးကုသမှုမှတ်တမ်းကို ပြန်ကြည့်ရသလိုမျိုး
….လွမ်းတယ်။
ကမ်းပြိုကျသလို ပဲ့ကျရင်ခုန်သံတွေ တစ်ဝုန်းဝုန်း
မြွေတစ်ကောင်နဲ့ ရစ်ပတ်ထုတ်ပိုးထားတဲ့ ညီမလေးရဲ့ ဓာတ်ပုံ
သွေးမတိတ်သေးတဲ့ မြတ်နိုးမှုအဆိပ်တွေစွန်းပေ
ဝေးပြီ….
ဝေးကွာသွားပြီဆိုတာသိတယ်။
ဘဝရနံ့တွေနောက် ရေလိုက်ငါးလိုက်
ညီမလေးက စီးဆင်းမျောပါသွား
ငါတို့ ခွဲခွါလိုက်ကြတယ်။
ဒါပေမယ့်
ငါ့ရင်ထဲစူးတဲ့ အနမ်းတွေ အပွင့်မပျက်
ညီမလေးရင်ထဲက အချစ်ဦးရုပ်ရှင်လေးကို ကြည့်နေရ
မိုးတွေရွာနေပြီညီမလေးရယ်….
ဖရိုဖရဲ လိမ့်ကျလာတဲ့ မျက်ရည်စက်တွေပါ…။ ။
ကောက်နွယ်ကနောင်
သရဖူ ၊ ၂၀၀၃ ၊ ဇွန်။
No comments:
Post a Comment